Redwoods Treewalk (Te Ao Te Pō)

9 AM ki te 9:30 PM (Rātapu – Rāmere) | 10 PM (Rāhoroi) mai te 27 o Paenga-whāwhā

Ka kati mai te 9 AM ki te 12:30 PM hei the 3 o Pipiri

Redwoods Tītīwai

10 AM – Tōmuringa o te pō (Ka kati 30 mineti i mua atu i te Redwoods Tūāpō)

Redwoods Tairanga

Haereere ia rā (Anei te hōtaka)

Te Rā Whānau o te Kīngi (Rāhoroi 30 o Haratua – Rāhina 01 o Pipiri 2026)

9 AM ki te 10:30 PM (Rāhoroi ki te Rātapu)

9 AM ki te 9:30 PM (Rāhina)

Kirihimete (25 o Hakihea 2026)

11 AM ki te 11 PM

Ka kati a Tairanga

Kei roto it 70-mita ana o te Redwoods Titiwai, he tōhau. he mākū, he mano o ngā titiwai. Ko tēnei he wheako pai mō te nuinga o te marea.

He ahua tākarokaro ki roto i te ana kia āhei te whakatetere a ōu whatu, kia taea koe te kite i te katoa o ngā Titiwai i tō taenga ki waenga.

He kaiarahi ki tēnei wheako, me he 8-10 mineti te roa, ka whaikupu mātou ki te tāpiri atu the Redwoods Mā te Rā/Tūapō – Te katoa rānei mā te Paheko Tautaiao. 

Tena koa, kia whai i ngā Ture Whakahaere i tō peka mai kia noho haumaru koutou, anō hoki kia noho haumaru ngā Titiwai.

• Kaua e pā i ngā Titiwai, te tuanui rānei.
• Kia wahangū ki roto i te ana.
• Kaua e oma, e peke rānei.
• Kaua e tango whakaahua, e mau i tō waea rānei.
• Kaua e uru me te kai, inu rānei.
• Kaua e momi hikareti, haurehu rānei.
• Me mau hū i ngā wā katoa.
• Kaore te hunga kararehe e taea te kuhu.
• Ka taea ngā tūru wīra rāua kō ngā waka pēpi te kuhu.

WHAKATŪPATO: He nui ake te hauhā ki roto i te ana, ki te hauhā ki waho.

Ka whaikuputia kotou me te matehā te noho ki waho.

He aha ngā Matautau ki te tūwahi o te Treewalk?

• He wharepaku mō te marea, (Ko te Kaunihera o ngā roto o Rotorua te mahi whakarato). He wāhanga tāne, wahine, iakore, he wāhanga hoki mo ngā tūru wīra.
• Kei te Redwoods i-SITE he toa hoko koha. Ki roto hoki ka taea te hoko kāwhe, hoko kai, aihikirīmi, me he tōtiti wera.
• Haere tonu mā te huarahi ki te kimi i te wharekai o Eastwood, ki reira he kai nui atu i tēra o te i-SITE.
• Kāore he papa tākaro, ēngari he tēpu mo te marea e whakamahi.

Hoko pututu Pahikara?

Kāore he wāhi mō te hoko putuputu pahikara kei tēnei taha o te ngahere.

Ka taea kē ki Waipa: Ki Planet Bike, ki Mountain Bike Rotorua rānei.

Ki reira hoki kō Secret Spot, he ‘Shinny dip’ he Kauranga wera mōu hei wheako a muri i te eke pahikara.

He aha ngā ara e wātea te hikoi ki te Ngahere Redwoods?

He maha ngā ara hei whai mō te nuinga o ngā āheinga, anei he paku arataki:

Ara Memorial Grove (Ara Whero/1km koropewapewa)

He pai mo ngā kuri (ēngari me mau taura here). He pai mo ngā waka pēpi. He pai mo tētahi hīkoi poto ki raro i ngā rākau ikeike.

Ara Waitawa (Ara Kahurangi/4.5km koropewapewa)

Roa ake i te ara whero, he ara whakaaio ki waenganui i te ngahere, he pai anō mō ngā kuri (taura here). He pai tonu mo ngā waka pēpi.

Ara Rua Kōhatu (Ara Kākāriki/2km Auraki)

He pikinga waewaenga ki te matairanga. He kitenga ngahere, he pai mo ngā kuri (taura here), kāore he pai mō ngā waka pēpi.

Tūnga Waka – 

He maha ngā tūnga waka e wātea ana i te roa o Tītokorangi.

E wāhi mō ngā Wakamoe me ngā Waka Hōiho.

Kāore te taea te hopuni ki roto i te ngahere. He mōhiohio ki konei.

Utu mō ngā wheako-

(Ko te katoa o ngā utu hoko ki roto i te tāra o Aotearoa)

Redwoods Mā te Rā

Redwoods Tūāpō

Redwoods Titiwai

Redwoods Tairanga & Pahekotanga Mātātoa

Ae Mārika!, e HUAKI ana ngā tatau o te Treewalk ia rā o te tau, te rā Kirihimete hoki (25 Hakihea).

(Ka kati a Redwoods Tairanga)

Ko ēnei rā ngā wahanga PUKUMAHI (Raumati, rā whakatā ā-ture, hararei ā-kura, rā whakatā), inarā hei te pō, he wā hei tāria ki roto rārangi.

Tohutohu mo te wheako hei ngā pō pukumahi

Hei tohutohu mō te Urunga Aro Whānui – taihoa kia auina iho. Ko te whakaaro o te marea ki tae mai hei te tōnga ō te rā. Kia mahue i te roa o ngā rārangi, me tae mai  nō muri i te pō.

Ki te wātea, hoko tīkiti mo te Taha Hohoro

Ka whakakāngia ngā rama 20 mineti mua iho i te tōnga o te rā. Mō pārongo atu i tēra, haere ki te whārangi mō Redwoods Tūapō.

Tīkiti mō te Tūapō

Mō te Tūapō, e rua ngā kōwhiringa – Urunga Aro Whānui rāua kō te Taha Hohoro.

• Ko te Urunga Aro Whānui te kōwhiringa pūharu mō te nuinga o te tau, ka whaitake ēnei tīkiti mō te 365 o ngā rā mai te rā i hoko.
• Ko te Taha Hohoro te kōwhiringa mō te tāpui i te rā, te wā hoki e mānakonako ana koe. Te kōwhiringa pūharu mo ngā wāhanga pukumahi.

Tohutohu mō te Tūāpō hei ngā wāhanga Pukumahi

Hei tohutohu mō te Urunga Aro Whānui – taihoa kia auina iho. Ko te whakaaro o te marea ki tae mai hei te tōnga ō te rā. Kia mahue i te roa o ngā rārangi, me tae mai  nō muri i te pō.

Ki te wātea, hoko tīkiti mo te Taha Hohoro

Mā te katoa! Anei  ngā Tikanga Whakahaere.

Me whaitake te whiti o te hunga manuhiri, me āhei hoki te hīkoi mō te katoa o te wheako me te kore āwhina. Mai te kōhungahunga, ki te taipakeke.

Kia auaka te hiki tamariki, me hīkoi, me noho ki roto waka pēpi rānei. Whakapā mai ki tētahi kaimahi ki te pirangi waka pēpi, me te mōhio i te tokoiti o ngā waka. Kei kore he waka e wātea, me tatari.

Kia 120kg mōrahi te taumaha o te tangata.

Me mau hū i ngā wā katoa.

Kaore hoki te hunga kararehe te taea te uru.

Heipūtanga Whakauru

• Ko ngā kaikuhukuhu me wētia ki waenganui I te 30 me te 120 manokaramu.
• Kia 140 mitarau noa iho te iti o ngā tamariki.
• Tāpiri atu ki ngā tamariki 8 – 12 te pakeke, me kuhu hoki he matua neke atu i te 16 tau hei noho haepapa mō te tamaiti.
• E āhei te rangatahi mai te 13 ki te 15 tau te uru kore pakeke, engari me haina te kaitiaki I te whakakāhoretanga,
• Kāore te wahine hapū e āhei te kuhu, kāore hoki te āhei te kuhu me he manauhea. Pērā i te toto pōrutu, te maniania o te manawa, tuara, kaki rānei, te mauiuitanga mai te āmai. Whakapā mai ki tētahi kaimahi ki te whakautu pātai
• Me pungatia te makawe me ngā mea tawēwē.
• Mau hū tāpatu matikara.
• Kei kore te kai te inu rānei. Whaihoki, he Auahi kore.
• Ka peau te tangata haurangi.
• Me mārama i ngā kupu o ngā kaiarahi, ano hoki me whai I ngā ture.
• Me mau kākahu tika mō te huarere  (Koti mō te ua, poraka mō te makariri.)

Kupu Whakakāhore Tūraru

Kei ia mahi mātātoa he waehanga mō te haepapa matawhaiora, he waehanga hoki mō te tūraru. Nō reira, I mua I tō rēhitatanga me pānui, me mārama, me whakaae mārika ki ngā heipūtanga e whai ake nei.

Ki Redwoods Altitude, ka ū mātou ki ngā ture o Aotearoa, waihoki, ka ū ki tō mātou takenga tikanga haumaru mō ia o mātou mahinga. Ko te whakaarotau, te whai I ngā ritenga e whakarawetia ana I tētahi wheako tuawhiti, waihoki tētahi wheako kua tūtuki I te pinakitanga o te whakaruruhau.

Heoi, nā te āhua o te aotūroa e karapotia me te āhua o tō mātou wheako, kāore mātou e taea te taurangitia I tō whakaruruhau, te whakaruruhau o ōu rirohanga rānei. Keiwhā haereere I runga wheako.

Ko ngā mahinga  ki runga I te wheako Redwoods Altitude ko te whakawhiti arawhiti kua tautau ki ngā rākau, ko te whakawhiti pōki hoka, tae noa ki ngā taputapu whakaruruhau. Nā reira, ka āhei pea te tūponotia he tūraru, he matepā rānei.

Ahakoa kāore he tepenga, ko ētahi o ngā tūraru, ngā matepā rānei ko te torehapehape, te nekehanga o ngā arawhiti me ngā pourangi, te taka mai taumata ikeike, te ānini, te pāmamae nā te whakatārewatia, tae noa ki te paheke o te taputapu me te whara. Ko ngā whara ka ine mai te punua whara, ki te taumaha, ki te hemonga.

Ano hoki he momo matepā taiao, ko ētahi he momo matepā ka kitea ia rā, pēra i te hau, te uira rānei mai Tāwhirimatea. Ara atu he matepā hunahuna pēra i te ahi kōmau, te Kumekume a Ruaumoko, te horo whenua rānei. Kua whakamaheretia he pēwheatanga mo ia o ēnei pōraruraru.

Ko tēnei wheako kua tautapatia ki te whakapātaritari i tōu Taha Hinengaro rāua ko tōu Taha Tinana, ka haere hoki mā tēnei wheako ki te taumata o te 30 mita.

Ka whai mātou i ngā āhuatanga e rīanga ana I tētahi wheako whakaruruhau. Heoi ano, mā tō whakaae ki te rēhitatanga mō tēnei wheako, ka whakaae mārika koe ki tēnei kōrero whaitake, kāore te 100% o ngā tūraru, ngā matepā rānei e whakakorengia. Kāore hoki mātou e taea te taurangitia i tō whakaruruhau.

Ka tūtohu ahau ki te māramatanga, ki te pānuitanga o ngā heipūtanga kua whakatakotoria. Ka whakaae hoki au ki te meka, o tōku utanga ki te whai i ngā heipūtanga i tōku wā ki raro i te whakaruruhau o ngā kaiārahi.

E rua ngā kōwhiringa –

Urunga Aro Whānui (Pae Tukutuku, ISite) – Te Ao, Te Pō rānei. Ka whakamana mātou i ēnei tīkiti mō te 365 rā mai te hokonga o te tīkiti. Kaore e tautuhi ana i te rangi, te wā rānei o tō urunga. Utu paerewa

Taha Hohoro (Pae tukutuku anake) – Ka āhei te *Tāpuitia* i tō Tūāpō, te rangi rāua ko te wā e hiahia ana koe, me tāpiri noa iho i te $5 ia tangata. Tokoiti ngā tīkiti Taha Hohoro mō ia pō. Ka momotu ia 20 miniti mai te tōnga ō te rā mō te 1 hāora anake. Te kōwhiringa pūharu mō rātou e whai hōtaka ana i ngā wāhanga pukumahi o te raumati, rā whakatā ā-ture, hararei ā-kura rānei.

I te taenga mai, e rua ngā rārangi – kotahi mō te Urunga Aro Whānui, kotahi mō te Taha Hohoro.

ME tāpuitia mā runga pae tukutuku mō te Taha Hohoro rāua ko te Tairanga.

Ka āhei te hoko tīkiti Urunga Aro Whānui rāua ko te Titiwai I runga I te pae tukutuku I mua I tō taenga, kia haere tōtika ki te tomokanga. Ka āhei hoki, te hoko tīkiti i tō taenga mai. Ka hoko ēnei ki roto i te Redwoods ISite, ēngari, kaore ēnei tīkiti e tautuhi i te rangi rāua ko te wā o tō urunga.

E pīrangi ana koe te pekaina me tō tira wharekura ki Redwoods Treewalk, ki Tairanga rānei? Kino kē tēra whakaaro!

NAU MAI KI TE ROTORUA EDUCATION NETWORK:

 Kua kaingākautia nei e ngā akonga e ngā pouako – mai te reanga kura tuatahi, ki te reanga mātauranga matua, i te rohe o Rotorua. Inā hoki kua kite i te rahinga o te rohe e āhei ki te ako, inā noa atu mō rātou e whai mātauranga ki roto i te  mātai matawhenua me te ahumahi tāpoi. He rohe ahi tipua, he rohe ngāwha tō Rotorua e kōhuretia i tōna āhua rerekē ki rohe kē. He hītori hauroa tō te ahumahi tāpoi ki Rotorua, anō hoki he rohe kikī ana i te ahurea Māori.

Tūhurahia kia pēhea te whakatapokongia i ngā pakihi e whaipānga ki te marautanga a ōu akonga, ka mutu,  ki ngā rauemi ako!

Ko te Rotorua Visitor Centre & isite te kāinga o te tini o ngā pakihi auaha o te ahumahi tāpoi ki roto o Aotearoa. Ka whakaataatangia i tēnei āhuahanga ki roto i te manawanui o ngā pakihi tāpoi e hāngai ana ki te mātauranga, kia whakatūtaki i  te matainaina o ngā akonga, o ngā pouako, ma te whakarawea i ngā mohiohio, i ngā rauemi e whaipānga ki te marautanga o ngā akonga kei ia reanga.

Whakapā mai mā runga info@treewalk.co.nz (9 AM – 4 PM, Hāora o te tari) whakapā rānei ki Rotorua Education Network ki te whai mohiohio.

Ehara Ehara!

Engari, kaore te hīkina o te tamariki, te mau ki roto pīkau, ki roto okooko rānei, i a koe e karore ana ki runga Treewalk, te ao te pō rānei. Engari, ka āhei te hiki tamariki ki roto i te ana Titiwai.

E tae ana te whakamahi i tōu ake waka pēpi ki roto i a Redwoods Titiwai, engari anō mō te Redwoods Treewalk. Mō te haumaru tāngata te take, he taha o tō mātou kaupapa here.

Heoi ano, kua whakarite ētahi waka pēpi, inarā, kua whakarite mō whiwhi i tō urunga ki te Treewalk. Tokoiti noa iho, kaore te taea te tāpui. I runga i tēra, ki te matainaina koe mō tētahi waka pēpi, kia mōhio koe ka whakapōturitia te rironga o te waka pēpi i tō urunga ki te wheako.

Ka kī taurangi mātou, kua horoi te waka pēpi i mua i tō whiwhinga.

He whakaahua mō ngā waka pēpi

Ko te mea whakarapa, kaore te kurī (kararehe atu rānei) e āhei te eke ki runga I te Treewalk, ki  roto te ana Titiwai, ki runga Tairanga rānei. I runga I te mea he maha ngā wahanga e neke ana. Whakaputa tūraru mō te waewae o te kuri. Anō hoki, kaore te katoa o ngā tangata e rata ki te kurī, me whakaute I te āhuru o ngā manuhiri katoa. Heoi, ka āhei te kurī ki roto I te ngahere whanui, (me mau taura here) I runga I tērā ka āhei te hikoi kuri tētahi, mā te roopu e piki atu I te Treewalk te Tairanga  rānei. He papa rēhia hoki mō te kuri ki tērā atu taha o te rori.

Ka āhei te kuri taituarā te uru ki te wheako Treewalk, engari kia mōhio mai koe he tūraru ki tō rātou waewae. Me mau hū mehemea ka taea.

Tēna koa, whakapā mai ina e takune ana koe te peka mai ki ō mātou wheako, mā te īmēra info@treewalk.co.nz, te wāea rānei +64 27 536 1010 (9 AM – 4 PM ngā wā mahi o te tari).

E whaipukutia ana mātou i ēnei kākahu –

He hū pātiki mō te Treewalk rāua kō te Titiwai (ka taea te mau hānara waewae, ēngari kāore ko te waewae anake), tāpiritia hoki he koti/tarau rānei mō te makariri.

He hū pātiki hoki mō te Tairanga, anō nei me pakari rā ka tika ngā hū mō te haerenga ki roto ngāhere. Mau hoki he koti/ tarau roa i ngā rā makariri. He whakaaro hoki kia mau karapu i te hotoke, te mea ai ka mau koe ki tētahi karapina konganuku.

Kāore te panekoti (Ahakoa te roa) te kākahu arotau mo ēnei wheako, i te mea, kua tairangatia ngā whēako e rua mai te whenua ki ngā rākau.

Nau mai ki te eke ki te pourangi matua me te kore utu. Engari kaore ka taea te tūru wīra te haere tonu ki runga I ngā arawhiti. Kei riri mai, mō te māniania.

Ka taea ngā tūru wīra te haere ki roto i te ana o Redwoods Titiwai.